• Fanat
  • 16 Fevral 19:16
  •  7 133

“Böyük Dəbilqə”: Azərbaycanın daha bir cüdoçusu bürünc medal qazanıb

Azərbaycanın daha bir cüdoçusu Yaşar Nəcəfov Bakıda keçirilən “Böyük Dəbilqə” turnirində bürünc medal qazanıb.

Aznews.az xəbər verir ki, 66 kq çəki dərəcəsində mübarizə aparan idmançı 3-cü yer uğrunda görüşdə Villian Limanı (Braziliya) məğlub edib.

Daha əvvəl Balabəy Ağayev (60 kq) bürünc medal qazanmışdı. Rəşad Yelkiyev (66 kq) və Aydan Vəliyeva (52 kq) isə 3-cü yer uğrunda görüşdə rəqiblərinə məğlub olublar.

Qeyd edək ki, ilk gündə Azərbaycanın 15 cüdoçusu mübarizə aparıb.