Tovuzda avtomobil piyadanı vuraraq hadisə yerindən qaçıb

Tovuz rayonunda avtomobil piyadanı vuraraq hadisə yerindən qaçıb.

AzNews.az Report-a istinadən xəbər verir ki, hadisə axşam saatlarında rayonun Mirzə Ələkbər Sabir küçəsində baş verib.

Naməlum avtomaşın 1993-cü il təvəllüdlü Namazov Röyal Vilayət oğlunu vuraraq hadisə yerindən qaçıb. Müxtəlif bədən xəsarətləri alan piyadanı yoldan keçən başqa şəxslər görərək Tovuz Rayon Mərkəzi Xəstəxanasına aparıblar. Həkimlər tərəfindən tibbi yardım göstərildikdən sonra Travmatologiya şöbəsinə yerləşdirilən yaralının vəziyyəti orta-ağırdır.

Faktla bağlı Tovuz rayon Polis şöbəsində araşdırma aparılır.