Prezidentə qeyri-adi məktub

Çexiya prezidenti Miloş Zeman Qeyri-adi məktub alıb. Dövlət başçısına naməlum şəxsdən ünvanlanan zərfdə ağ toz maddə olub.

AzNews.az xəbər verir ki, Praqa polisinin rəsmi nümayəndəsi Yana Matsalikova bildirib ki, maddənin tərkibi hələ məlum deyil. Polis, eyni zamanda yanğınsöndürənlər və partlayıcı texnika mütəxəssisləri baş verən vəziyyəti araşdırmağa başlayıblar. Hadisəyə Zemanın necə reaksiya verdiyi hələ ki, məlum deyil.

Xatırladaq ki, Miloş Zeman 2013-cü il yanvar seçkilərində qalib gələrək prezident olub. Vəzifəsinin icrasına elə həmin il, martın 8-də başlayıb.

Aydan Axundova
AzNews.az