• Rusiya
  • 24 Yanvar 13:33
  •  2 461

Moskvada keçirilən aksiyalarda 10-dan çox insan xəsarət alıb

Bütün faktlar üzrə yoxlamalar aparılır

Polis şənbə günü Moskvada razılaşdırılmamış aksiyada xəsarət almış 10-dan artıq şəxsin tibbi yardım üçün müraciətləri üzrə yoxlama aparır.

AzNews.az xəbər verir ki, bu barədə “TASS”a hüquq-mühafizə orqanlarındakı mənbə bildirib.

“Xəstəxanalardan polisə 17 yaşdan 55 yaşadək səkkiz kişi və 17 yaşdan 55 yaşadək dörd qadının tibbi yardım üçün müraciət etmələri barədə telefonoqramlar daxil olub”, - agentliyin həmsöhbəti deyib.

Daha bir 17 yaşlı yeniyetmə izdihamda zərər çəkib. Bütün faktlar üzrə yoxlamalar aparılır.

Qeyd edək ki, yanvarın 23-də Moskvada bir müddət əvvəl saxlanılan müxalifətçi Aleksey Navalnya dəstək aksiyası keçirilib. “TASS”ın tibb dairələrindəki mənbəsinin məlumatına görə, hüquq-mühafizə orqanlarının 42 əməkdaşı müxtəlif dərəcədə bədən xəsarəti alıb. Etirazçılar arasında da xəsarət alanlar var.