Milli Şura iclasın keçiriləcəyi yeri gizli saxlayır

Demokratik Qüvvələrin Milli Şurasının Koordinasiya Mərkəzinin toplantısının keçiriləcəyi vaxt bəlli olub.

Milli Şuranın mətbuat xidmətinin rəhbəri Oqtay Gülalıyev AzNews.az-a bildirib ki, toplantı avqustun 6-da keçiriləcək. Toplantıda Milli Şuranın sessiyasının keçililməsi ilə bağlı məsələlər müzakirə ediləcək: "Ölkədə müharibə ab-havası yaşanır. Milli Şurada isə yetərincə ziyalılar təmsil olunur. Onların fikirləri də çox vacibdir. Bu baxımdan Milli Şuranın sessiyasının keçirilməsi zəruridir".

O. Gülalıyev Koordinasiya Mərkəzinin iclasının keçiriləcəyi yer haqda əvvəlcədən məlumat verməyin məqsədəuyğun olmadığını da deyib.

Bahar Rüstəmli
AzNews.az