Təlimdə 30-a yaxın tələbə-könüllü iştirak edib Təlimdə 30-a yaxın tələbə-könüllü iştirak edib
  • Toplum
  • 28 Yanvar 2019 12:00
  •  2 241

“Gəncliyin bir həftəsi” - Təlimdən fotolar

Təlimdə 30-a yaxın tələbə-könüllü iştirak edib

Təhsil Nazirliyinin "Bir" Tələbə-Könüllü proqramının təşkilatçılığı ilə 2 fevral – Gənclər Günü münasibətilə "Gəncliyin bir həftəsi" adlı tədbir keçirilir.

AzNews.az xəbər verir ki, "Gəncliyin bir həftəsi" gənc tələbə-könüllülərin şəxsi inkişafının təmin olunması, dünyagörüşlərinin artırılması, asudə vaxtlarının səmərəli dəyərləndirilməsi, könüllülük dəyərlərinin aşılanması məqsədi daşıyır.

Tədbirin birinci günü proqramın “Öyrən” istiqaməti çərçivəsində "İnsan mühəndisliyi" proqramının rəhbəri, təlimçi Rövşən Nəcəfov tərəfindən “Gələcəkdə mən” adlı təlim keçirilib. Təlimdə 30-a yaxın tələbə-könüllü iştirak edib.

"Gəncliyin bir həftəsi"ndə hər gün proqramın 6 istiqaməti (“Yaşa”, “Yaşat”, “Öyrən”, “Öyrət”, “Kəşf et”, “Zövq al”) üzrə təlimlər, görüşlər, intellektual və komanda oyunları, tələbə-könüllülərin ifasında konsert proqramı keçiriləcək.

Tədbir fevralın 2-dək davam edəcək.

Qeyd edək ki, “Bir” Tələbə-Könüllü proqramı milli könüllü platforması kimi 20 000-dən çox vahid tələbə-könüllü bazasına malikdir. Tələbələrin şəxsi inkişafı və asudə vaxtlarının səmərəli dəyərləndirilməsi üçün 6 istiqamətdə fəaliyyət göstərən proqram tərəfindən indiyədək 400-dən çox yerli və beynəlxalq tədbirə könüllü, təşkilati dəstək verilib.

Səidə Nurməmmədli
AzNews.az

image description