Dövlət Baxçalı xəstəxanaya yerləşdirildi

"Partiya sədrimizin səhhəti yaxşıdır"

Türkiyə Milliyyətçi Hərəkat Partiyasının (MHP) sədri Dövlət Baxçalı Ankarada xəstəxanaya yerləşdirilib.

CNN Türk-ə istinadən verilən xəbərə görə, MHP sədrinin köməkçisi Semih Yalçın D. Baxçalını xəstəxanada ziyarət edib.

O qeyd edib ki, D. Baxçalının şüuru özündədir və səhhəti yaxşıdır: “Dövlət Baxçalının ürəyində hər hansı problem yoxdur. Şüuru özündədir. Partiya sədrimizin səhhəti yaxşıdır”. (APA)