Ərdoğan: “PKK-nın Sofi Nurəddin kod adlı Suriyadakı əsas terror başçısı məhv edilib”

"Ölkəmizə xəyanət edən, vətənimizin bütövlüyünə təhlükə yaradan, bizə güllə atan hər kəsi eyni aqibət gözləyir”

“PKK-nın kod adı Sofi Nurəddin olan Suriyadakı əsas terror başçısı ələ keçirilərək zərərsizləşdirilib”.

Aznews.az xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetindəki növbəti iclasından sonra açıqlamasında bildirib.

Prezident deyib ki, təhlükəli terrorçu Türkiyənin Milli İstihbarət Təşkilatının (MİT) İraqın şimalında həyata keçirdiyi əməliyyat nəticəsində məhv edilib: “13 günahsız insanımızın şəhid edilməsində əmirləri verənlərdən biri də o terrorçudur. Ölkəmizə xəyanət edən, vətənimizin bütövlüyünə təhlükə yaradan, bizə güllə atan hər kəsi eyni aqibət gözləyir”.

R.T.Ərdoğan Türkiyənin Suriya və İraqda PKK-YPG terror təşkilatlarına qarşı mübarizəsini əzmlə davam etdirəcəyini bildirib.