Lapşinin apellyasiya şikayəti təmin olunmadı

Azərbaycanın sorğusu əsasında Minskdə həbs olunmuş bloger Aleksandr Lapşinin Belarus Baş Prokurorluğunun onun Azərbaycana verilməsi barədə çıxardığı qərardan verdiyi apellyasiya şikayətinə baxılıb.

APA-nın "Sputnik"ə istinadən verdiyi məlumata görə, Minsk Şəhər Məhkəməsi şikayəti təmin etməyib.

Xatırladaq ki, A. Lapşin 2011-ci ilin aprelində və 2012-ci ilin oktyabrında Azərbaycanın işğal altındakı ərazilərinə qanunsuz səfərlər edərək separatçı rejimin təbliğatı ilə məşğul olub. O, Azərbaycanın ərazi bütövlüyünə qarşı çağırışlar edib. Azərbaycan Baş Prokurorluğu onun barəsində Cinayət Məcəlləsinin 281.2 (dövlətə qarşı açıq çağırışlar) və 318.2 (sərhədi qanunsuz keçmək) maddələri ilə cinayət işi qaldırıb və Lapşin beynəlxalq axtarışa verilib.

A. Lapşinin Rusiya və İsrail vətəndaşlığı var.

AzNews.az