- Köhnə - Cəmiyyət
- 1 Aprel 2013 15:54
- 1 781
Sabah həkimlər imtahan verəcək
Nazirlik rəsmisinin sözlərinə görə, ümumi nəticələr hələ ki məlum deyil:
"Çünki sənəd verən 150 nəfərdən 100 nəfərə yaxın həkim birinci qrupdan iştirak edib. Nazirliyin saytında elan olunan 2000-dən çox vakant yerdən yalnız 100-nə 150 nəfər sənəd verib. İndi 150 nəfər 100 yer uğrunda mübarizə aparır.
İkinci qrupdan isə sabah 50 nəfər imtahanlara qatılacaq. Bütün test imtahanları bitəndən sonra ikinci mərhələ başlayacaq. Bu mərhələ həkimlərlə müsahibə olacaq".
İmtahana fərqli yaş kateqoriyalarında olan həkimlərın qatıldığını deyən Anar Qədirlinin sözlərinə görə, onların arasında gənclərlə yanaşı, 40 yaşında olan həkimlər də var.
Qeyd edək ki, bu ildən etibarən "Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı"nın icrası ilə bağlı Səhiyyə Nazirliyi Kollegiyasının 18 yanvar 2013-cü il tarixli 3 nömrəli qərarına əsasən, Səhiyyə Nazirliyinin tabeçiliyində olan tibb müəssisələrində vakant elan edilmiş yerlərə həkimlərin işə qəbulu mərkəzləşdirilmiş qaydada aparılır.
AzNews.az