Elçin Quliyev Əfqanıstanın daxili işlər naziri ilə görüşdü

Dövlət Sərhəd Xidmətinin (DSX) rəisi, Sərhəd Qoşunlarının Komandanı general-leytenant Elçin Quliyev Əfqanıstan İslam Respublikasının daxili işlər naziri, ordu generalı Qulam Mustafa Patangın rəhbərlik etdiyi nümayəndə heyətini qəbul edib.

DSX-nin mətbuat xidmətindən Trend-ə verilən məlumata görə, görüşdə Azərbaycanın sərhəd təhlükəsizliyi sistemi, Xidmətin vəzifə və tapşırıqları, dövlət sərhədlərinin mühafizəsinin təkmilləşdirilməsi üzrə həyata keçirilən tədbirlər və əldə olunmuş nailiyyətlər barədə məlumat verilib, qarşılıqlı əməkdaşlığın perspektivlərinə dair fikir mübadiləsi aparılıb.

Nümayəndə heyəti DSX-nin Akademiyası və "Sərhədçi" İdman Olimpiya Mərkəzinin fəaliyyəti ilə tanış edilib.

AzNews.az