- Köhnə - Cəmiyyət
- 16 Sentyabr 2013 10:45
- 3 209
Namizədlərin efir vaxtı üstündə dava düşdü
MSK sədri Məzahir Pənahov bildirib ki, İctimai Televiziya rəhbərliyi ilə razılığa gəlinib ki, 6 saat vaxt ayrılsın. "Ödənişsiz efir vaxtı üçün 3 saat televiziya, 3 saat isə radioya ayrılıb. Dəyirmi masalar saat 7-də televiziyada, 9-da isə radioada olacaq. Həftənin tək günləri radioda, cüt günləri isə televiziyada dəyirmi masalar keçiriləcək"
Milli Şuranın səlahiyyətli nümayəndəsi Gülağa Aslanlı bildirib ki, efir vaxtı çox azdır:
"Referendum vaxtı İctimai Televiziya bildirdi ki, buna əvvəldən hazır deyildi. İndi isə seçkiləin olması əvvəldən hazırlanmalı idi. 6 dəqiqə Qarabağ münaqişəsindən danışan namizədə bu vaxt bəs edəcəkmi? İnsanlar daha çox axşamlar televizayaya baxırlar. Amma saat 7-də insanlar evə gəlib çıxa bilmirlər. Tıxacdamı baxacaqlar".
MSK üzvi Akif Qurbanov namizədlər üçün dəyirmi masaların saatının 7-də olmasına etiraz edib. O bildirib ki, bu vaxtlar insanlar televiyaya baxmırlar. O təklif edib ki, efirin ən baxımlı saatın zamanı keçirilsin.
Məzahir Pənahov bildirib ki, saat 9-dan sonra rayonlarda insanlar yatır.
İctimai Televiziyanın iclasda iştirak edən səlahiyyətli nümayəndəsi isə bildirib ki, axşam 7-də telekanalın özünün ən baxımlı verilişləri olan "Açıq dərs", "Ortaq məxrəc" və s. efirdə olur. Bu verilişlər də ən çox baxılan verilişlərdir.(qafqazinfo)
AzNews.az