Bu üç sosial şəbəkə istifadəçilərinin şəxsi məlumatları sızdırıb

İstifadəçilərin adı, soyadı, telefon nömrəsi, elektron ünvanı, iş yeri və vəzifəsi kimi məlumatların açıq tədavüldə olduğu müəyyənləşib

“Facebook”, “Instagram”, “Linkedin” sosial şəbəkələrinin 150 milyondan artıq istifadəçisinə məxsus şəxsi məlumatlar kənara sızdırılıbmış.

DLBI (DarkNet Data Leakage & Breach Intelligence) Məlumatların sızıntısı hallarının kəşfiyyatı mərkəzi həmin istifadəçilərin adı, soyadı, telefon nömrəsi, elektron ünvanı, iş yeri və vəzifəsi kimi məlumatların açıq tədavüldə olduğunu müəyyənləşdirib.

Həmin məlumatların Çinin “Shenzen Benniao Social Technology” şirkətinə məxsus, serveri ABŞ-da “Alibaba” platformunda yerləşən “Elasticsearch” axtarış sistemində olduğu bildirilir.

DLBI ötən həftə həmçinin “Twitter” və “Weibo” şəbəkələrinin 200 milyon istifadəçilərinə, bu həftə isə “Linkedin”in 57 milyon istifadəçilərinə məxsus məlumatların yerləşdiyi server aşkarlayıb. (Report)

AzNews.az