Ən dəyərli 2 əsərə (ümumilikdə 4 nəfər) diplom və pul mükafatları veriləcək Ən dəyərli 2 əsərə (ümumilikdə 4 nəfər) diplom və pul mükafatları veriləcək

Özbəkistanda “Məndə sığar iki cahan” adlı poeziya müsabiqəsi - Hər iki ölkənin şairləri qatıla bilər

Ən dəyərli 2 əsərə (ümumilikdə 4 nəfər) diplom və pul mükafatları veriləcək

Azərbaycan Respublikasının Prezidenti İlham Əliyev tərəfindən 2019-cu il "Nəsimi ili” elan olunması ilə əlaqədar Özbəkistandakı Heydər Əliyev adına Azərbaycan Mədəniyyət Mərkəzi tərəfindən il ərzində Daşkənddə silsilə tədbirlərin təşkili nəzərdə tutulub.

Azərbaycan Mədəniyyət Mərkəzindən verilən məlumata görə "Nəsimi ili” ilə əlaqədar Özbəkistanda "Məndə sığar iki cahan” adlı poeziya müsabiqəsinə start verilib.
Müsabiqəyə əsasən Azərbaycan və Özbəkistan ədəbiyyatının nümayəndələrinin Nəsimi yaradıcılığına həsr etdikləri yeni şeirləri və poemaları, habelə Nəsimi dəsti-xəttinə, yaradıcılıq yoluna uyğun şeirlər toplanılacaq.

Əsərlər cari ilin 5 aprel tarixindən – 30 iyun tarixinidək Özbəkistandakı Heydər Əliyev adına Azərbaycan Mədəniyyət Mərkəzinin poçtuna (culcenter.az@gmail.com) elektron formada göndərilməsi xahiş olunur.
Müsabiqəyə təqdim olunan materiallar:

1. Şeir və poema.
2. Müəllifin pasportunun surəti (elektron formada).
3. Müəllif haqqında qısa məlumat.

Toplanan əsərlər sonda vahid bir nəşrdə cəm edilərək hər iki dilə tərcümə olunacaq, kitab halında yayımlanacaqdır. Müsabiqənin yekununda iki ölkədən ən dəyərli 2 əsərə (ümumilikdə 4 nəfər) Azərbaycan Mədəniyyət Mərkəzinin diplom və pul mükafatları təqdim ediləcəkdir.

Yekunda Özbəkistanın Əlişir Nəvai adına Daşkənd Dövlət Özbək dili və Ədəbiyyatı Universiteti, ədəbiyyat sahəsində tanınmış "Kitab dünyası” qəzetinin təşkilati dəstəyi ilə Daşkənddə "Canımı qıldım fəda...” adlı təntənəli poeziya axşamının keçirilməsi nəzərdə tutulub. (artkaspi.az)

AzNews.az