Ərəb gəlin toyuna motosikletlə gəldi - təhqir olundu - Video

Birləşmiş Ərəb Əmirliklərinin paytaxtında iki nəfər məhkəmə tərəfindən sosial şəbəkədə təhqiramiz şərh yazdıqlarına görə böyük məbləğdə cərimə olunublar.

Axşam.az “The National” nəşrinə istinadən xəbər verir ki, motoklubun üzvləri olan bəy və gəlin toylarını original formada qeyd etmək üçün toyun keçiriləcəyi məkana məxsusi bəzədilmiş motosikletlərlə yollanıblar.

Toy hələ ötən ilin mart ayında baş tutsa da, sosial şəbəkələrdə bəylə gəlini ərəb xalqının adət-ənənələrinə və şəriətə riayət etməməkdə günahlandırırlar.

Elə bu səbəbdən gəlin məhkəməyə müraciət edərək, onu təhqir etmiş 40 nəfərin cəzalandırılmasını istəyib və məhkəmə artıq iki nəfərə qarşı cinayət işinə baxaraq qərar qəbul edib.

AzNews.az