Həbsxanada su qiyamı

İndoneziyanın Şimali Sumatra əyalətindəki həbsxanaların birində məhbuslar qiyam qaldırıb.

Həbsxanada həddindən artıq məhkumun saxlanılması su qıtlığına səbəb olub. Bundan hiddətlənən məhkumlar gözətçiləri əsir alaraq silahlarını götürüblər.

Həbsxanada yanğın hadisəsi törədən üsyançılarla təhlükəsizlik qüvvələri arasında baş verən qarşıdurma zamanı iki gözətçi və üç məhkum həlak olub. 200-dən çox məhkum isə qarışıqlıqdan faydalanaraq qaçıb.

Polis onlardan 64-nün saxlanıldığını açıqlayıb.

AzNews.az