Bahalı geyimdə aclıqdan danışan Melani Tramp tənqid edildi

ABŞ-ın birinci xanımı Melani Tramp BMT Baş Assambleyasının iclasında çəhrayı rəngli geyimlə çıxış edib.

AzNews.az xarici mətbuata istinadən xəbər verir ki, xanım Trampın geyimi sosial şəbəkələrdə müzakirə mövzusuna çevrilib. Geyimin rəngi tədbirin mövzusuna uyğun gəlmədiyi üçün əksəriyyət onun bu seçimini təndiq edib.

“Twitter” istifadəçilərindən biri Melani Trampın çıxışını “minlərlə dollarlıq geyimdə olan Melani Tramp heç bir uşaq aclıq çəkməməlidir deyir” – deyə şərh edib.

Melani Tramp bir müddət əvvəl Texas ştatına qasırğadan əziyyət çəkən bölgələrə dikdaban ayaqqabı ilə ziyarət etmişdi.

Bəxtiyar Abbasov

AzNews.az