Aleksandr İvanov dəfn edildi - Fotolar

Aleksandr İvanov Yasamal qəbiristanlığında dəfn edilib

“İnterfaks-Azərbaycan” agentliyinin baş direktoru Aleksandr İvanov dəfn edilib. Sputnik Azərbaycan xəbər verir ki, İvanovla vida mərasimində Azərbaycanın ictimai və siyasi xadimləri, jurnalistlər, güc strukturlarının işçiləri iştirak edib.

Milli Qvardiyanın əsgərləri Azərbaycan Prezidenti İlham Əliyevin adından əklil qoyublar.

Aleksandr İvanov Yasamal qəbiristanlığında dəfn edilib. Onun məzarı üzərinə dövlət strukturları, dostları və qohumları tərəfindən güllər və əklillər düzülüb.

Xatırladaq ki, “İnterfaks-Azərbaycan” agentliyinin baş direktoru dekabrın 21-də beyninə qan sızması nəticəsində vəfat edib.

Aleksandr Alekseyeviç İvanov 1950-ci ilin 12 iyul tarixində Bakıda anadan olub. Uzun müddət SSRİ Dövlət Təhlükəsizlik Komitəsində işləyib. Azərbaycanın ümummilli lideri Heydər Əliyevin cangüdəni olub.

A.İvanov 2005-ci ilin avqust ayında "İnterfaks-Azərbaycan" informasiya agentliyinin baş direktoru təyin edilib.

AzNews.az

image description image description image description image description image description image description image description image description