Bakıda bir nəfər quyudan xilas edildi

Nizami rayonunda bir nəfər quyuya düşərək köməksiz vəziyyətdə qalıb.

AzNews.az FHN-ə istinadən xəbər verir ki, Fövqəladə Hallar Nazirliyinin Böhran Vəziyyətlərində İdarəetmə Mərkəzinə Bakı şəhəri, Nizami rayonunda 1 nəfərin quyuya düşərək köməksiz vəziyyətdə qalması barədə məlumat daxil olub.

Dərhal Nazirliyin Xüsusi Riskli Xilasetmə Xidmətinin qüvvələri hadisə yerinə cəlb olunaraq vətəndaşı quyudan çıxarmış və aidiyyəti üzrə təhvil vermişlər. Əməliyyat saat 14:40-da başa çatıb.