Gülər Əhmədovaya təcridxanada iynə vurulur

Hazırda İstintaq təcridxanasında saxlanılan keçmiş millət vəkili Gülər Əhmədovanın səhhətindəki problemlər aradan qalxmadığından o, intensiv müalicə alır. Gülər Əhmədovaya təcridxanada iynə vurulur. Bunu AzNews.az-a G. Əhmədovanın vəkili Raqif Məmmədov bildirib.

Vəkilin sözlərinə görə, keçmiş millət vəkili şəkər, yüksək qan təzyiqi və ürək ağrılarından şikayətlənir. Onun xəstəxanaya yerləşdirilməsinə gəlincə isə, R. Məmmədov bununla bağlı hələlik heç bir məlumatın olmadığını bildirib: "Özü mənə dedi ki, öz otağında müalicə olunur, iynə vurulur".

Qeyd edək ki, səhhətindəki problemlər aradan qalxmadığına görə müstəntiqin hələ də G. Əhmədovanı dindirməsi mümkün olmayıb.

Elnarə Əlosmanqızı
AzNews.az