Arvadını qətlə yetirən şəxsə 13 il həbs

Bakı Ağır Cinayətlər Məhkəməsində həyat yoldaşını azyaşlı oğlunun gözü qarşısında amansızlıqla qətlə yetirən şəxsin cinayət işi üzrə məhkəmə prosesi başa çatıb.

APA-nın məlumatına görə, prosesdə hökm oxunub. Hökmə əsasən, E. Hüseynov 13 il müddətinə azadlıqdan məhrum edilib.

Qeyd edək ki, E. Hüseynov həyat yoldaşı Tamillanın başını kəsib. Hadisə azyaşlı övladları Əlinin gözü qarşısında baş verib.

E. Hüseynov hadisədən sonra polis idarəsinə gələrək təslim olub və həyat yoldaşını əxlaqsızlıqla məşğul olduğu üçün öldürdüyünü bildirib.

O, Cinayət Məcəlləsinin 120-ci (qəsdən adam öldürmə) maddəsinin bir neçə bəndi üzrə ittiham edilib.

AzNews.az