Müsavatçının xanımı dəm qazından boğuldu

Martın 14-də Bakıda daha bir nəfər dəm qazından boğularaq həyatını itirib. "Qafqazinfo" xəbər verir ki, 1971-ci il təvəllüdlü Nəzakət Hüseynli yaşadığı evdə dəm qazından boğulub.

Qeyd edək ki, N. Hüseynli Müsavat partiyasının üzvü Mübariz Hüseynlinin xanımıdır. "Qafqazinfo"ya açıqlama verən Nəzakət Hüseynlinin həyat yoldaşı Mübariz Hüseynli bildirib ki, xanımı qaz sobasının yanında yuxuya gedib, gecəyarısı küləyin sobanı söndürməsi nəticəsində o, dəm qazından boğulub:

"Uşaqlar dərhal həkim çağırdılar. Həmin gün onun vəziyyəti nisbətən yaxşılaşsa da, martın 16-sı yenidən pisləşdi. O, ürək çatışmazlığından əziyyət çəkirdi. Buna görə də zəhərlənmə öz təsirini iki gün sonra biruzə verib".

Qeyd edək ki, Nəzakət Hüseynlinin üç övladı var.

AzNews.az