Bahadırlarımızın Dağıstan səfəri

Sabah Mahaçqalada 5 qat dünya çempionu Əli Əliyevin xatirəsinə sərbəst güləşçilər arasında ənənəvi beynəlxalq turnir start götürəcək. Güləş Federasiyasından AzNews.az-a verilən məlumata görə, yarışda Azərbaycan millisi də iştirak edəcək. Baş məşqçi Seypulla Absaədovun başçılığı ilə Dağıstana 14 pəhləvanımız yollanacaq.

Bunlar Qalib Əliyev (55 kq), Ağahüseyn Mustafayev, Əhmədnəbi Qvarzatilov (hər ikisi - 60 kq), Məhəmməd Müslümov, Gitinomaqomed Hacıyev (66 kq), Əşrəf Əliyev, Murtuz Müslümov (74 kq), Məhəmməd Əbdülxaliqov, Məhəmmədsultan Zakavov, İlya Xamikoyev (hər üçü - 84 kq), Aslanbəy Alborov (96 kq), Aslan Cəbişov, Əli İsayev və Əli Məhəmmədəbirovdur (hamısı - 120 kq).

Kamran Hacı
AzNews.az