Dadaşov Almaniyada 16-cı qolunu vurdu

Futbol üzrə Almaniyanın Şimal-Şərq Regional Liqasında 17-ci turun oyunları keçirilib.

AzNews.az Qafqazinfo- ya istinadən xəbər verir ki, Azərbaycan yığmasının sabiq hücumçusu Rüfət Dadaşovun şərəfini qoruduğu “Dinamo” (Berlin) də növbəti matçına çıxıb.

Sözügedən kollektiv doğma meydanda “Yunion Fyurstenvalde” ilə qarşılaşıb. Futbolçumuzun komandası bu oyundan qələbə ilə ayrılıb - 4:0.

Rüfət də bu oyunun iştirakçısı olub. Start heyətdə meydana çıxan Dadaşov sonadək oynayıb. Komandasının iki qolunu da futbolçumuz vurub. Belə ki, 19-cu dəqiqədə hesabı açan Rüfət 66-da da “Dinamo”nun üçüncü qoluna imza atıb. Bu, onun cari mövsümdə vurduğu 16-cı qoldur.

“Dinamo” hazırda 33 xalla 18 iştirakçı arasında 2-ci pillədə qərarlaşıb.

Qeyd edək ki, 26 yaşlı futbolçu Azərbaycan millisində almaniyalı sabiq baş məşqçi Berti Foqtsun vaxtında çıxış edib və 16 oyunda 4 qol vurub.