Türkiyənin qadın voleybolçuları yarımfinalda

Birinci Avropa Oyunlarının “Baku Crystall Hall”da keçirilən voleybol yarışları davam edir.

AzNews.az xəbər verir ki, iyunun 19-da günün ilk görüşündə "A" qrupunda yer alan Rumıniya və Türkiyə komandaları qarşılaşıblar.

Oyunda Türkiyə komandası 3-0 (25:16, 25:22 və 25:19) hesabı ilə qələbə qazanıb yarımfinala vəsiqə qazanıb. Dünya reytinqində 8-ci sırada qərarlaşan komanda üçün Kristal Zal 1-də keçirilən oyunda qazandığı qalibiyyət olduqca asan olub.

Türkiyə sıralamada 3-cü yerdədir. Komandasına 25 xal qazandıran Polen Uslupəhlivan (TUR) A qrupunda keçirilən oyundan sonra qalib olacaqlarına inanıb:

"Biz digər komandalarla müqayisədə daha güclüyük. Qrupda lider olacağımıza inanırıq və bunun üçün bütün gücümüzü ortaya qoyacayıq. Bizimlə eyni səviyyədə olan Azərbaycan bizim ən güclü rəqibimizdir".

Bu məğlubiyyətlə Rumınya 4 ardıcıl oyunda iştirak etmə şansını da itirib. Əgər İtaliya komandası rəqibi ilə oyunda məğlub olsa, onda komandanın mübarizədən kənarlaşması təsdiqlənəcək.

B qrupunda keçirilən oyunda Bolqarıstana qarşı mübarizə aparan Xorvatiya 1/4-ə çıxmaq imkanını artırmaq üçün ilk qələbəsini qazanıb.

İlk iki seti 25-23 xal hesabı ilə bitirən komanda 3-cü seti 25-15 hesabla bitirib. Xorvatiya final setini 25-23 xal hesabı ilə yekunlaşdırıb.

Xorvatiyanın baş məşqçisi Anqelo Vercesi (BRA) komandası ilə fəxr etdiyini deyib:

"Bu gün biz əsl komanda kimi, taktikalarla oynadıq və mükəmməl oyun göstərdik. Təmkinimizi qoruduq və əla ötürmələr etdik, blokda və müdafiədə üstünlüyü ələ ala bildik. Növbəti oyunlara gəlincə, Almaniya güclü komandadır, ona görə də, daha diqqətli olmalı, daha çox şey öyrənməliyik".

"B" qrupunda Serbiya millisi Niderland komandasına məğlub olub – 2:3 (25:20; 22:25; 28:26; 16:25 və 9:15).

İyunun 21-də A qrupunda Türkiyə Azərbaycan komandası ilə, Rumınya isə İtaliya ilə üz-üzə gələcək.

Eyni gündə, B qrupunda Xorvatiya Almaniya ilə, Bolqarıstan komandası isə Hollandiya ilə qarşılaşacaq.