Cahangir Əsgərova 10, Tagı Əhmədova 29 milyon manat

2013-cü ilin dövlət büdcəsindən "Azərbaycan Hava Yolları" QSC-yə 10 milyon manat ayrılması nəzərdə tutulur. Bu vəsait Naxçıvan Muxtar Respublikasına edilən aviareyslərə və Böyük Vətən Müharibəsi əlilləri, iştirakçıları, habelə onlara bərabər tutulan şəxslərin MDB ölkələrinə nəqliyyatda gediş güzəştlərinə sərf ediləcək.

Bakı Metropoliteninə isə gələn ilin büdcəsindən 29,2 mln. manat transfert planlaşdırılır. Bu isə 2012-ci illə müqayisədə 6,4 mln. manat və ya 28,2 faiz çoxdur. Ümumilikdə isə gələn ilin büdcə layihəsində nəqliyyat və rabitə xərclərinə 111,7 mln. manat ayrılması gözlənilir. Bu isə cari illə müqayisədə 23,8 mln. manat və ya 27 faiz artım deməkdir.

Elnarə Əlosmanqızı
AzNews.az