Avropa İran qazını almazsa ...

İranın Milli Qaz Şirkətinin direktoru Cavad Oudji ölkənin qaz ixracında yaranmış vəziyyətlə bağlı açıqlama verib. AzNews.az-ın İran mətbuatına istinadən verdiyi xəbərə görə, Cavad Oudji hazırda İranın Avropaya qaz nəql etmədiyini bildirib və əlavə edib: "İranın qaz ehtiyatları Rusiyadan sonra dünyada ikincidir.

Bu isə o deməkdir ki, rus qazından asılı olan Avropa gec və ya tez alternativ axtaracaq ki, ən yaxşı alternativ də İran qazı hesab edilir".

O, həmçinin qeyd edib ki, İran qazını Avropaya idxal edilməməsindən itirən tərəf Avropa Birliyidir. "İran qazı Avropa bazarına daxil olmadıqda, onlar Rusiyanın monopoliyası ilə üzləşəcəklər. Bu isə qiymət artımına gətirib çıxaracaq".

Sadiq Musa
AzNews.az