İçərisində qızıl olan avtomobili oğurlayarkən tutuldular - Beyləqanda

Beyləqanda avtomobil oğurlamaqda təqsirləndirilən şəxslər saxlanılıb.

AzNews.az xəbər verir ki, bu barədə DİN-in Mətbuat Xidməti məlumat yayıb. Bildirlir ki, Beyləqan rayon sakini Eldəniz Qarayevə məxsus “VAZ-21074” markalı maşının yük yerindəki 5600 dəyərində olan qızıl-zinət əşyalarını maşınla birlikdə qaçırmağa cəhd edən rayon sakini Teymur İsgəndərov tutulub.

Araşdırma zamanı T. İsgəndərovun əlbir olduğu şəxs də müəyyənləşdirilib və saxlanılıb. Bakı şəhər sakini Eknur Ağaşirinli şübhəli şəxs qismində Beyləqan RPŞ-yə gətirilib. Dindirilmə zamanı onlar törətdiyi cinayət əməlini etiraf ediblər.

Faktla bağlı cinayət işi açılıb, araşdırmalar davam etdirilir.