79 yaşlı kişi arvadını döyərək öldürdü

Ailə münaqişəsi zəminində arvadını küt alətlə qətlə yetirmiş Yevlax rayon sakini tutulub.

AzNews.az Daxili İşlər Nazirliyinin (DİN) rəsmi saytına istinadən xəbər verir ki, dekabrın 27-də Yevlax rayonu Nemətabad kəndindəki evində Əziz Əsədov ailə münaqişəsi zəminində arvadı Rəfiqəni küt alətlə qətlə yetirib.

Yevlax RPŞ əməkdaşlarının keçirdikləri əməliyyat-axtarış tədbirləri nəticəsində Ə.Əsədov tutulub.

Qeyd edək ki, Əziz Əsədov 1934-cü il təvəllüdlüdür.
Faktla bağlı Yevlax rayon Prokurorluğu tərəfindən cinayət işi başlanıb, istintaq gedir.

AzNews.az