Polis bölmədən silah oğurlayıb satdı - 25 il həbs cəzası aldı

Yüksek 46 silah satmaqla 120 min lirə qazanıb.

Türkiyənin Gaziantep şəhər polis bölməsinin qaçaqmalçılıq şöbəsində FETO istintaqına görə saxlanılan qadına aid iki mobil telefon və kompüter bölmədən itib.

AzNews.az Türkiyə mətbuatına istinadla xəbər verir ki, polis Hüseyin Yüksek “cihazlar itib” deyərək qadına 5 min lirə pul ödəyib.

Araşdırma nəticəsində məlum olub ki, təkcə bu əməliyyatda deyil, digər əməliyyatlar zamanı da ələ keçirilən cihazları elə Hüseyin Yüksekin özü satıb.

Onunla birlikdə 3 polis də saxlanılıb.

Yüksek 46 silah satmaqla 120 min lirə qazanıb.

Məhkəmə Hüseyin Yüksele 25 il, Ahmet Taşa 10 il 11 ay, Tuncer Çomakçıya isə 3 il 9 ay həbs cəzası verib.

Nigar CƏFƏR

AzNews.az