Yeni “Terminator” yüksək reytinq qazanıb - KİV

Arnold Şvarsenegger əvvəlki kimi Terminatorun siması olaraq qalıb

Məşhur aktyor, ABŞ-ın Kaliforniya ştatının keçmiş qubernatoru Arnold Şvarseneggerin çəkildiyi yeni "Terminator" filmi yüksək reytinq qazanıb.

Bu barədə "ComicBook" xəbər verir.

"Terminator: qaranlıq talelər" filminin prodüseri Ceyms Kemeron bildirib ki, dünya şöhrətli filmin növbəti hissəsi daha kəskin və amansız olacaq.

Qeyd edilir ki, oktyabrın 31-də nümayiş etdiriləcək film 1991-ci ildə lentə alınmış "Terminator 2: Qiyamət günü" fantastik ekran əsərinin davamı olacaq.

Con Konnorun rolunu Hollivud aktyoru Edvard Ferlonq oynayacaq.

Qeyd edilir ki, Arnold Şvarsenegger əvvəlki kimi Terminatorun siması olaraq qalır, amma Linda Hamilton Sara Konnoru oynayacaq.

Xatırladaq ki, əvvəllər ekranlaşdırılmış "Terminator" filmlərində də Arnold Şvarsenegger çəkilib.(report.az)

AzNews.az