ABŞ Dövlət Departamentinin nümayəndəsi Azərbaycanda - Yenilənib

ABŞ Dövlət katibinin iqtisadi və biznes məsələləri üzrə köməkçisinin baş müavini Brayan MakFiters Bakıda keçirilən Rəqabətlik Forumunun işinə qatılıb və Azərbaycan hökumətinin yüksək vəzifəli rəsmiləri ilə görüşlər keçirib.

ABŞ-ın Azərbaycandakı səfirliyindən Trend-ə verilən məlumata görə, B.MakFitersin sözügedən forumda iştirakı ABŞ və Azərbaycan ikitərəfli iqtisadi əməkdaşlığını nümayiş etdirərək ABŞ-da istehsal olunan malların ixracına təkan verir.

Bununla yanaşı səfər həmçinin Azərbaycanın investisiya mühitinin təkmilləşdirilməsinə və xarici investorların cəld edilməsinə yardım göstərir. Forumdan əvvəl B.MakFiters, müvəqqəti işlər vəkili Vilyam R.Gil ilə birgə iqtisadi islahatlar və biznes mühitini müzakirəsi məqsədilə Azərbaycanda fəaliyyət göstərən Amerika Ticarət Palatasının nümayəndələri ilə görüşüb.

B.MakFiters və müvəqqəti işlər vəkili Gill ikitərəfli əməkdaşlıq sahələrinin müzakirəsi məqsədilə vergilər naziri, iqtisadiyyat naziri və xarici işlər nazirnin müavini ilə də görüşlər keçiribər.

***
10:55

ABŞ dövlət katibi köməkçisinin iqtisadiyyat və biznes məsələləri üzrə baş müavini Brayan Makfiters Azərbaycana gəlib.

AzNews.az "Report"a istinadən xəbər verir ki, B.Makfiters "Azərbaycan Rəqabətlilik Forumu 2018"də iştirak etmək üçün Bakıya təşrif buyurub.

ABŞ dövlət katibi köməkçisinin müavininin səfəri zamanı bir sıra görüşlər keçirəcəyi gözlənilir. Görüşlər zamanı Azərbaycanla ABŞ arasında iqtisadi sahədə əməkdaşlığın inkişafı məsələləri müzakirə olunacaq.

AzNews.az