Avropa Parlamentindən Səfərov qətnaməsi

Avropa Parlamenti Ramil Səfərovun ekstradisiyası və əfv olunması ilə bağlı qətnamə qəbul edib. AzNews.az-ın newsarmenia.ru saytına istinadən verdiyi xəbərə görə, Avropa Parlamenti qətnamədə Səfərovun ekstradisiyasından və daha sonra əfv olunmasından narahatlıq ifadə edib.

Bundan əlavə qətnamədə Səfərovun əfv edilməsi bölgədə gərginliyi artıran faktor kimi qiymətləndirilib. Qətnamədə qeyd edilib ki, bu cür addımlar Qarabağ probleminin sülh yolu ilə həllinə əngəl yaradır. Eyni zamanda, Avropa Şurasından Qarabağ probleminin həllində aktivlik göstərməsi istənilib.

Sadiq
AzNews.az