Nəticədə 46,2 min hektar ərazidə kənd təsərrüfatı məhsulları su altında qalıb Nəticədə 46,2 min hektar ərazidə kənd təsərrüfatı məhsulları su altında qalıb

Qasırğa 5 nəfərin ölümünə səbəb oldu

Nəticədə 46,2 min hektar ərazidə kənd təsərrüfatı məhsulları su altında qalıb

"Linlin" qasırğası Şimali Koreyada 5 nəfərin ölməsinə, 3 nəfərin xəsarət almasına səbəb olub.

Bu barədə Şimali Koreya Mərkəzi Teleqraf Agentliyi məlumat yayıb.

Dünən yerli vaxtla saat 14.00-da Şimali Koreyanı vuran qasırğa bazar günü gecə saatlarına qədər davam edib. Ölkə ərazisində 460 ev və 15 inzibati bina ya tam, ya da qismən dağılıb. "Linlin" qasırğası 46,2 min hektar ərazidə kənd təsərrüfatı məhsullarının məhv olmasına, su altında qalmasına da yol açıb.

Qeyd edək ki, bundan əvvəl "Linlin" qasırğasının Cənubi Koreyada da 3 nəfərin ölümünə səbəb olduğu açıqlanıb. Yerli aviaşirkətlər 150-si beynəlxalq olmaqla, 270 reysi təxirə salıb. Qaırğa sürəti saniyədə 54 metrə (saatda 195 kilometr) çatan küləklə müşayiət olunur. (APA)

AzNews.az