Nazir “Son zəng”i Tap Qaraqoyunluda izləyəcək

Tədbir saat 11-də başlayacaq

Təhsil naziri Emin Əmrullayev bu gün Goranboy rayonunda keçiriləcək “Son zəng” tədbirində iştirak edəcək.

AzNews.az xəbər verir ki, E.Əmrullayev müharibə müddətində ən çox zərər çəkən məktəblərdən biri olan rayonun Tap Qaraqoyunlu kənd məktəbində keçiriləcək “Son zəng” tədbirinə qatılacaq.

Nazirliyin sözçüsü Cəsarət Valehov saytımıza açıqlamasında məlumatı təsdiqləyib və bildirib ki, tədbir saat 11-də başlayacaq.