Ata 5 uşağının ölümünə səbəb oldu - VİDEO

Musavat.com xəbər verir ki, hadisə Türkiyədə baş verib.

Suriyadakı döyüşlərdən xilas olmaq üçün Türkiyəyə köç edən minlərlə ailədən biri olan Almahavi ailəsinin 5 uşağı, kömür tüstüsündən boğularaq ölüblər.

Belə ki, ailə başçısı 45 yaşlı İbrahim Almahavi, uşaqlar üşüməsin deyə, dəmir qutuda olan kömürləri yandıraraq, uşaqlarını otağına qoyub. Səhər yuxudan oyananda isə artıq uşaqlar tüstüdən boğularaq ölmüş olub.

Ata ağlayaraq bu sözləri deyib: "Ölməmək üçün Suriyadan qaçdıq. Yenə də ölüm bizə çatdı. Hər şey mənim günahım ucbatından olub. Geridə qalan 3 övladım, mənim təsəlli gücümdür".