AzNews.az-ın 3 illik tarixçəsi - FOTOSESSİYA

Bu gün “AzNews.az” informasiya saytının fəaliyyətə başlamasından 3 il ötür.

2012-ci ilin avqustun 1-də internet istifadəçilərinin ixtiyarına verilən sayt operativ, etibarlı və dolğun xəbər siyasəti ilə oxucuların etimadını qazanıb və Azərbaycanın aparıcı xəbər saytlarından birinə, ictimai fikrə təsir edən media orqanına çevrilə bilib.

"AzNews.az" hazırda müstəqil fəaliyyət göstərən və geniş oxucu kütləsi olan informasiya saytlarından biridir.

"www.google.com/analytics"in nəticələrinə görə sayta gündəlik baxış sayı 25-30 min arasında dəyişir. Saytın oxucuları arasında dünyanın müxtəlif ölkələrində yaşayan həmyerlilərimiz var.

www.aznews.az resursunda gündəlik xəbərlərlə yanaşı, həm də reportajlar, araşdırmalar, müsahibələr, təhlillər də tirajlanır.

Saytda gün ərzində siyasət, iqtisadiyyat, sosial, mədəniyyət, şou-biznes, kriminal, həmçinin dünyada baş verən hadisələrlə bağlı 100-ə yaxın xəbər yerləşdirilir.

Saytın baş redaktoru Elçin (Məlikli) Zahiroğludur.