Sirkə turşusu içən qadın öldü - Bakıda

Bakıda sirkə turşusu içən qadın xəstəxanada ölüb.

AzNews.az-ın Daxili İşlər Nazirliyinin mətbuat xidmətinə istinadən məlumatına görə, hadisə Nərimanov rayonu ərazisində qeydə alınıb.

Nigar Abbaszadə sirkə turşusu içib və zəhərlənmə diaqnozu ilə xəstəxanaya qəbul edilib. Həkimlərin müayinəsinə baxmayaraq onun həyatını xilas etmək mümkün olmayıb.

Hadisənin intihar yoxsa ehtiyyatsızlıqdan baş verdiyi araşdırılır.

Bundan əvvəl də Şəki rayonunda sirkə turşusu içən şəxs zəhərlənmişdi. Rayonun Böyük Dəhnə kənd sakini 1966-cı il təvəllüdlü Gülnar Mircavad qızı Hacıyeva "SKAYP"da ərinin Rusiyadakı ailəsini görərək intihar məqsədi ilə sirkə turşusu içmiş, xəstəxanada bir neçə gün qaldıqdan sonra orada dünyasını dəyişmişdi. 49 yaşlı qadın üç uşaq anası idi.