18:21
(077) 610-22-33

Zərdabda biabırçı olay: 15 yaşlı qız sürgün edilir

  • >
559 13 İyun 2013 12:46 | Cəmiyyət

YENİYETMƏ QIZ ƏXLAQSIZLIQDA SUÇLANIR


Redaksiyamıza Zərdab rayonu Alıcanlı kəndində baş vermiş tükürpədici bir olayla bağlı məlumat daxil olub. Belə ki, kənd sakinləri L. adlı 15 yaşlı kimsəsiz qıza kəndi tərk etmək göstərişi veriblər. Deyilənə görə L. əxlaqsızlıqda ittiham olunur və bu səbəbdən də sakinlər onun kənddən çıxmasını tələb edir.
Rayondan AzNews.az-a daxil olan məlumata görə, bu olaya Zərdab Rayon İcra Hakimiyyətinin başçısı Lütfəli Babayev də qarışıb. İki gün bundan əvvəl İcra hakimiyyətinin nümayəndələri Alıcanlıya gəlib və kənd sakinləri ilə görüş keçirib. Görüşün məqsədi isə qalmaqallı olaya müdaxilə edərək qızın gələcək taleyilə bağlı qərar qəbul etmək olub. 3 saata kimi davam edən gərgin müzakirələrdən sonra isə yekun qərar belə olub: "15 yaşlı L. əxlaqsızlıq hərəkətlərinə görə, rəsmi qaydada Zərdab Rayon Polis Şöbəsinə verilsin". Əldə etdiyimiz məlumata görə, həmin qız kimsəsiz böyüyüb, indi isə kənd yaxınlığında yerləşən əxlaqsızlıq yuvasının əsas "qəhrəmanlarından" biridir. Sakinləri isə belə bir adamın kəddə yaşamasına etiraz edirlər.



Xəbəri Zərdab Rayon Polis Şöbəsindən təsdiqləyiblər. Şöbənin müstəntiqi Məsud Rəhimov AzNews.az-a deyib ki, sakinlər tərəfindən doğrudan da belə bir müraciət olunub:

"Lakin, uşağın kənddən köçürülməsi, hansısa uşaq evinə yerləşdirilməsi üçün müəyyən prosedurlar var. Və bu prosedurları rayon icra hakimiyyəti etməlidir. Buna görə də, bizə ünvanlanan müraciət baxılması üçün İcra Hakimiyyətinə göndərilib".

Mövzunu diqqətdə saxlayacağıq.

Bahar Rüstəmli
AzNews.az


Bağla X