11:15
(077) 610-22-33

Paytaxtda təhlükəli içkilər aşkarlandı

  • >
626 15 Avqust 2012 14:15 | Cəmiyyət

Kvas içkisinin, qazsız və qazlı suların istehsalının dayandırılması barədə təlimat verilib



Paytaxtda bəzi sərinləşdirici içkilərin tərkibinin normal olmadığı aşkarlanıb. Belə ki, Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən ölkənin sərinləşdirici içkilər bazarında aparılan monitorinqlər davam etdirilir.

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Bakı şəhəri, Binəqədi rayonu, 4-cü mədən küçəsi, 276-cı məhəllədə "Budad Food Company" MMC-yə məxsus istehsalat sahəsində aparılan yoxlama zamanı qazsız suların etiketində suyun mənbəyi və hazırlanması barədə məlumatların, kvas içkisinin etiketində isə içkinin tipi barədə məlumatın göstərilmədiyi müəyyən edilib.

Xidmətdən AzNews.az-a verilən məlumata görə, yoxlama zamanı müəssisənin anbarında aşkar edilən satışa hazır məhsullardan nümunələr götürülərək laborator müayinəyə göndərilib. Laborator müayinələr nəticəsində müəssisədə istehsal edilən kvas içkisinin tərkibində turşuluğun və mezofil-aerob və fakultativ-anaerob mikroorqanizmlərinin sayının normadan çox olduğu, qazlı suların tərkibində mezofil-aerob və fakultativ-anaerob mikroorqanizmlərinin sayının normadan çox olduğu, qazsız sularda isə mezofil-aerob və fakultativ-anaerob mikroorqanizmlərinin sayının və bağırsaq çöpləri qrupundan olan bakteriyalardan koli-indeksin normadan çox olduğu aşkarlanıb.

Bununla əlaqədar, kvas içkisinin, qazsız və qazlı suların istehsalının dayandırılması və müəssisə tərəfindən ticarət şəbəkəsinə paylanmış həmin məhsulların geri yığılması, habelə istifadə üçün yararsız olan 11559,4 litr sərinləşdirici içkinin qanunvericiliyə müvafiq qaydada məhv edilməsi barədə Dövlət Xidməti tərəfindən "Budad Food Company" MMC-yə icrası məcburi göstəriş verilib.

Sevinc
AzNews.az
Bağla X