Hindistanlı nazir ölkəsindəki yolları təriflədi, səhvən Rusiyada çəkilən fotonu paylaşdı (Foto)

Hindistanın energetika naziri Piyuş Qoyal ölkəsindəki yolların işıqlandırılması ilə bağlı program barədə sosial şəbəkədə paylaşım edib.

AzNews.az xarici KİV-ə istinadən xəbər verir ki, Twitter-də öz mikrobloqunda məmur yazıb ki, 50 km yol boyunca işıq dirəkləri dəyişdirilib.

Lakin, məlum olub ki, nazirin paylaşdığı foto Rusiyada çəkilib. Bir çox sosial şəbəkə istifadəçiləri bunun fərqinə vararaq, nazirin yalnış paylaşım etdiyini bildiriblər.

Səhvini anlayan nazir fotonu dəyişib.