"Rusiya ABŞ-ın hər bir addımına cavab verəcək" - Lavrov

"Rusiya ABŞ-la konstruktiv dialoqa hazırdır, lakin qarşı tərəfdən heç bir adekvat addım olmadığına görə, rəsmi Moskva qarşlıqlı şəkildə ABŞ-ın hər bir qeyri-dost addımına cavab verəcək".

AzNews.az rus mətbuatına istinadən xəbər verir ki, bunu Rusiyanın xarici işlər naziri Sergey Lavrov Federasiya Şurasında çıxışı zamanı deyib.

Onun fikrincə, ABŞ tərəfdən ikitərəfli əməkdaşlıq istiqamətində heç bir müsbət irəliləyiş yoxdur, əksinə, Rusiyaya qarşı sanksiyaların qəbulu diqqət cəlb edir.

Lavrov buna misal olaraq Rusiyanın San-Fransiskodakı konsulluğunun bağlanmasını göstərib.

"Biz konfrontasiyanın dərinləşməsini istəmirik, ancaq sanksiyalar qarşı cavab verməyə məcburuq" - Lavrov əlavə edib.