- Köhnə - Dünya
- 12 Yanvar 2014 17:49
- 2 874
İraqda partlayış - 13 ölü, 29 yaralı
APA TV "Reuters" agentliyinə istinadən xəbər verir ki, terror aktı İraq ordusunun yeni çağırışçılarına qarşı yönəlib. Minalanmış avtomobil Bağdadın qərbindəki avtovağzalın yaxınlığında partlayıb, oradan çağırışçılar öz evlərinə getməyə hazırlaşırmışlar. Ölkə ərazisində fəaliyyət göstərən heç bir qruplaşma hələlik terror aktına görə məsuliyyəti öz üzərinə götürməyib.
Daha bir partlayış isə Hürriyyə rayonunda baş verib. Burada 4 dinc sakin ölüb, 13 nəfər yaralanıb. Partlayışlara görə məsuliyyəti heç bir qruplaşma öz üzərinə götürməsə də, terror aktları şiələrin məskunlaşdığı rayonlarda baş verdiyindən, polis onların "Əl-Qaidə" ilə əlaqəli qruplaşma tərəfindən törədildiyini ehtimal edir.
AzNews.az