İki maşın toqquşdu - Ana və qızı yaralandı

Salyan rayonunda iki nəfərin xəsarət alması ilə nəticələnən yol nəqliyyat hadisəsi baş verib.

“Report”un Aran bürosunun məlumatına görə, hadisə bu gün günorta saatlarında şəhərin X.R.Ulutürk prospektində qeydə alınıb.

Belə ki, “Mercedes” markalı avtomobillə “VAZ-2107” markalı minik maşınının toqquşması nəticəsində Salyan şəhər B.Talıblı küçəsi, bina 1-də yaşayan, 1974-cü il təvəllüdlü İmanova Xanım Fikrət qızı və onun qızı, 1996-cı il təvəllüdlü İmanova Nərmin Nurəddin qızı müxtəlif dərəcəli xəsarətlər alıb. Xəsarət alanlar Salyan Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.

AzNews.az