Daşqınlar 37 nəfərin həyatına son qoydu

Hindistanın Kerala ştatında daşqınlar nəticəsində ölənlərin sayı 37 nəfərə çatıb.

AzNews.az-ın Trend-ı istinadən verdiyi məlumata görə, daşqınlar səbəbindən 15,6 mindən artıq insan təxliyə edilib və ştatda xəsarət alanlara təcili yardım göstərilməsi üçün 500-dən artıq məntəqə açılıb.

Təxliyə və təcili yardım işlərini ordu, hərbi-dəniz qüvvələri, hərbi-hava qüvvələri, sahil mühafizəsi və təbii fəlakətlərə milli reaksiya qüvvələri həyata keçirir.

AzNews.az