04:26
(077) 610-22-33

FİFA-dan “Hafka”nın klubuna yarım milyonluq- Sanksiya

  • >
1 055 10 May 2015 21:19 | İdman

FIFA “Bakı” klubuna daha bir sanksiya tətbiq edib.


AzNews.az sportnet.az-a istinadən xəbər verir ki, ali futbol qurumunun Mübahisələrin Həlli Palatası paytaxt təmsilçisinin iki sabiq futbolçusuna üst-üstə 530 min dollar cərimə ödəməli olduğuna dair qərar qəbul edib.

Həmin oyunçular Evangelos Mantsios və Leandro Beçerradır. "Bakı" Mantsiosa 280 min dollar, Beçerraya isə 250 min dollar ödəməlidir. Cərimə vaxtında ödənilməsə, hər gün üçün ümumi əmək haqqının 0,5 faizi məbləğində ümumi sanksiyaya əlavə olunacaq.

Hər iki futbolçu 2012-2013-cü il mövsümündə Bojidar Bandoviç baş məşqçi olduğu vaxt "Bakı"ya transfer olunub. Yunanıstanlı hücumçu Mantsios 8 oyuna 2 qol vurub. Argentinalı yarımmüdafiəçi Beçerra isə 4 oyunda çıxış edib. Lakin onlar 2013-2014-cü il mövsümündə komandadan göndəriliblər. Futbolçular məhz həmin mövsüm üçün də müqavilələrinin qüvvədə olduğunu bildirərək, FİFA-ya şikayət ediblər.

Qeyd edək ki, ötən il "Bakı" Aleksandr Tomovskiyə 78 min 499 dollar, Ruslan Leviqaya 59 min 975 dollar ödəyib.
Bağla X