14:51
(077) 610-22-33

Bakıda idmançının ölməsi ilə bağlı cinayət işi açıldı

  • >
2 375 29 Mart 2015 16:05 | Kriminal

Bakıda idman yarışı zamanı idmançının ölməsi faktı ilə bağlı cinayət işi başlanıb.



Trend Bakı şəhər Baş Polis idarəsi və şəhər prokurorluğunun birgə məlumatına istinadən xəbər verir ki, martın 27-də Hövsan qəsəbəsində həvəskarlar arasında keçirilən idman yarışında Sumqayıt şəhər sakini, 1994-cü il təvəllüdlü Səmədov Pərviz Natiq oğlunun Quba rayon sakini, 1987-ci il təvəllüdlü Zeynalov Ramin Əliabbas oğluna qarşı fənd işlətməsi nəticəsində sonuncunun yıxılaraq ölməsi faktına görə Suraxanı rayon prokurorluğunda Cinayət Məcəlləsinin 124-cü (ehtiyatsızlıqdan adam öldürmə) maddəsi ilə cinayət işi başlanıb.

İş üzrə zəruri istintaq hərəkətləri aparılıb, o cümlədən ölümün səbəblərinin müəyyənləşdirilməsi məqsədilə məhkəmə-tibbi ekspertizası təyin edilib.

Hazırda iş üzrə istintaq tədbirləri davam etdirilir.
Bağla X