06:46
(077) 610-22-33

Abbas Abbasovun müəmmalı Dərbənd səfəri – EKSKLÜZİV - FOTO

  • >
363 1 May 2013 14:39 | Siyasət

ONUN BU SƏFƏRİNİN KONKRET MƏQSƏDLƏRİ HƏLƏLİK BƏLLİ DEYİL


"Milyarderlər İttifaqı"nın sədri Abbas Abbasov Dərbənddə olub. AZNEWS.AZ-a daxil olan məlumata görə, əvvəlcə o, Dərbənd şəhərinin meri İmam Yarəliyevlə görüşüb. Görüşlərdə iş adamlarının olduğu da bildirilir.

Abbas Abbasovun Dərbəndə niyə gəlməsi barədə isə dəqiq məlumat yoxdur. İlkin rəy ondan ibarətdir ki, sabiq baş nazirin birinci müavinin Dağıstana səfəri heç də Azərbaycan diasporun fəaliyyəti ilə bağlı olmayıb.

"Abbas müəllim əvvəlcə Dərbənd şəhərinin meri İmam Yarəliyevlə görüşüb. Görüşdə bir neçə yəhudi əsilli iş adamı və yerli yəhudilər də iştirak edib. Söhbət ondan gedir ki, Ramazan Abdulatipov Dağıstan prezidentin səlahiyyətlərini icra edəndən sonra respublikada yəhudi iş adamlarının sıxışdırılmasına başlanılıb. Abbas müəllimi Dərbənddə Moskvadan gəlmiş bir neçə yəhudi əsilli biznesmen də müşayiət edib. Dərbənddə və Dağıstanın bir sıra iri şəhərlərində, o cümlədən Mahaçqalada yəhduilərə, xüsusən də Zarah İliyev, Qod Nisanov kimi adı "Forbes"in siyahısında olan milyarderlərə məxsus obyektlər var. Amma Abdulatipov hakimiyyətə yiyələnəndən sonra bu obyektlərdə total yoxlamalar başlayıb. Abbas Abbasov isə Azərbaycan əsilli, AST Telman ləqəbli Telman İsmayılovun xahişi ilə Dərbəndə gəlib. Görüşün isə yaxşı nəticə verdiyini iddia etmək olar. Çünki meriyada görüşdən sonra, qonaqlar və Dərbənd meri şəhərin ən prestijli restoranı olan "Şəhristan"da nahar ediblər. Daha sonra isə Dərbənd qalasında gəzintiyə çıxıblar. Elə fotoların birindən də göründüyü kimi Abbas müəllim İmam Yarəliyevin yanında dayanıb. Fotolarda yəhudi iş adamlarını da görmək mümkündür".

Başqa bir mənbəmiz isə Abbasovun gəlişini sırf siyasi xarakter daşıdığını söyləyir. Bəziləri isə onun Dərbənddən Bakıya gləmək istədiyini, lakin sonradan bunun üçün münasib vaxt olmadığı barədə məlumat aldığını iddia edir.

Sübhan
AzNews.az

image description image description
Bağla X