Haqqımızda | Reklam | Əlaqə


06.12.2013  13:23 

FHN xəbərdarlıq: Dəm qazından ehtiyatlı olun!



A+  A-

Fövqəladə Hallar Nazirliyi dəm qazı ilə bağlı əhaliyə müraciət edib.

FHN-nin rəsmi saytında bildirilir ki, son zamanlar qaz cihazlarının istismarı zamanı əhali arasında dəm qazından zəhərlənmə halları qeydə alınmaqdadır. Müəyyən olunub ki, bu hadisələrin əksəriyyəti vətəndaşların təhlükəsizlik qaydalarına riayət etməməsı səbəbindən baş verir.

Dəm qazından zəhərlənmə halı yanğın olduqda, sobanın qapağı erkən bağlandıqda, qarajda, qapalı məkanda avtomobil mühərriki işlədikdə, ağzı bağlı kabinədə uzun müddət qaldıqda baş verir.

Mənzillərdə isə dəm qazından zəhərlənmə təhlükəsi əksər hallarda evi qızdırıcı cihazlarla qızdırarkən və ya hamam otağında baş verir.
Kimyəvi adı karbon monooksid olan dəm qazı yanacaq məhsullarının natamam yanması nəticəsində əmələ gəlir.

Bu qaz iysiz və rəngsiz olduğundan hiss edilmir. Qapalı şəraitdə daha da təhlukəli olur. Karbon monooksid tənəffüs zamanı ağciyərlərdən qana daxil olur. Adətən oksigenlə birləşməli olan hemoqlobin bu dəfə karbon monooksidlə birləşməyə başlayır və karboksihemoqlobin yaradır və qan artıq oksigeni daşıya bilmir. Bu proses oksigenlə birləşmədən 300 dəfə daha intensiv baş verir. İnsan oksigen çatışmazlığından boğulmağa başlayır. İnsan ürəyi bir vurmaya 200 ml-dən çox qan sərf etdiyindən ağciyərlərə düşən dəm qazı sayılan saniyələr ərzində bütün orqanizm boyu yayılır.

Dəm qazından zəhərlənmə zamanı bu simptomlar özünü biruzə verir: gözlər yaşarır, başağrısı, başgicəllənmə müşahidə olunur. Getdikcə zəiflik, ürəkbulanması, quru öskürək, hafizənin keyləşməsi, eşitmə və görmə hallyusunasiyaları başlayır. Qıcolma tutmaları və nəhayət, tənəffus mərkəzinin iflici nəticəsində ölüm baş verir:

“Mənzildə dəm qazı təhlükəsinin qarşısını almaq üçün bir sıra qaydalara riayət edilməlidir. Yadda saxlayın ki, evinizdə qeyri-standart, yəni kustar üsulla hazırlanmış cihazların quraşdırılması və istifadəsi təhlükəlidir. Mənzildə qızdırıcıların havaçəkmə borularının düzgün işləməsinə nəzarət edilməlidir.

Unutmayın ki, qızdırıcı soba ilə mənzilin ölçüsü uyğun gəlməlidir. Misal üçün, mətbəx həddindən artıq kiçikdirsə və orada zəruri olan ventilyasiya sistemi quraşdırılmayıbsa, böyük ölçüdə qaz pilətəsi qoymaq olmaz.

Eyni qayda hamam otağına da aiddir. Kiçik hamam otağına böyük ölçülü suqızdırıcının qoyulması təhlükəlidir. Cihazın borusunun çıxış yeri olmalıdır. Zəruri ventilyasiya sistemi yoxdursa, mütləq hamam otağının qapısının aşağı hissəsində hava oynaması üçün dəliklər açılmalı və ya qapalı mühitdə qaz yandırılarkən nəfəsliklər açıq olmalıdır.

Otaqlarda quraşdırılmış qızdırıcı sobanın fəaliyyətinə vaxtaşırı fasilə verilməlidir. Bu zaman otaqda havanın dəyişdirilməsi üçün pəncərələr açılmalıdır. Unutmayın ki, mənzil mütəmadı havalandırıldıqda dəm qazından zəhərlənmə riski azalır.

Evə soba alarkən onun zəmanət barədə sertifikatı və texniki pasportunun olub-olmamasına diqqət yetirin.

Mənzildə soba və suqızdırıcılarını quraşdırarkən mütləq yerli qaz idarəsinin mütəxəssisləri ilə məsləhətləşin. Bu sahədə naşı olan insanların xidmətindən istifadə etməyin.

Tüstü borusu olmayan sobaları almayın. Boru olmadıqda və otaq mütəmadi havalandırılmadıqda orada mütləq dəm qazı yaranır.
Dəm qazı ilə zəhərlənən insan əksər hallarda özü-özünə kömək edə bilmir. Lakin təcili tibbi yardım gələnədək ətrafdakılar ona ilk yardımı göstərə bilərlər.

Zərərçəkəni dərhal təmiz havaya çıxartmaq, onu kürəyi üstə uzatmaq və yaxalığını açmaq lazımdır. İmkan olduqda oksigen yastıqlarından istifadə edilir.
Alın və sinəyə soyuq kompress qoyun. Əgər zərərçəkmişin huşu özündədirsə, o zaman ona isti çay verin.
Dəm qazından yüngül zəhərlənmə olduqda, yəni zərərçəkmiş bu simptomları vaxtında hiss edib məkanı tərk etdikdə, o zaman sadəcə təmiz hava ilə tənəffüs etmək yetərlidir.

Zərərçəkmiş huşunu itiribsə, ona naşatır spirti ilə isladılmış pambıq parçasını iylətmək lazımdır. Naşatır spirti olmadıqda onu adi sirkəylə də əvəz etmək olar.

Zərərçəkmiş nəfəs almırsa və ya tənəffüsü zəifdirsə, ona süni nəfəs vermək lazımdır. Zərurət olduqda ürək massajı edilməlidir. Zərərçəkmişə yardım göstərilməsi üçün təcili tibbi yardım briqadası çağırılmalıdır.

Dəm qazından zəhərlənmiş insan özünü yaxşı hiss etsə belə, ən azı 24 saat həkim nəzarəti altında qalmalıdır.

Unutmayın ki, hər hansı bir fövqəladə hadisə baş verdikdə "112" qaynar xəttinə müraciət edin!”.


AzNews.az

Xəbər 196 dəfə oxunub.




Bölməyə aid digər xəbərlər

31.07.2014

Leyla Yunus agent çıxdı - VİDEO

31.07.2014

Avtomobillərin texniki baxış müddəti uzadıldı

31.07.2014

Azərbaycana narkotik vasitə gətirməsinin qarşısı alınıb

31.07.2014

Diversant qrupu yaxalandı - VİDEO, FOTO

31.07.2014

Prezident yol tikintisinə 7 milyon manat ayırdı

31.07.2014

Məşhur pivə şirkətində qanunsuzluq aşkarlandı

31.07.2014

İŞİD lideri agent çıxdı - FOTO

31.07.2014

“Azadlıq” qəzeti çapını dayandırdı - Açıqlama

31.07.2014

Elçin Behbudov Leyla Yunusu qınadı

31.07.2014

Həmkarlarından Leyla Yunusa ağır ittihamlar - SORĞU

31.07.2014

TQDK boş qalan yerlərə qəbul elan etdi

31.07.2014

Hadı Rəcəbli ittihamlara cavab verdi: "Vallah mənim bankım yoxdur"

31.07.2014

Deputat uşaq xəstəxanasını restorana çevirdi - FOTO

31.07.2014

“Heç kim bilmir ki, övladım üçün nələr etmişəm”- Arif Quliyev

31.07.2014

Nazirlik birdəfəlik maddi yardımla təmin olunanların sayını açıqlayıb

31.07.2014

Yol polisi reydlərə başlayır

31.07.2014

“London taksisi”ndə homoseksual sürücü biabırçılığı

31.07.2014

Hafka villalarını satışa çıxardı - FOTOLAR

31.07.2014

Sabaha hava proqnozu - 35 dərəcə isti

31.07.2014

Əsgərlər üçün kitab kampaniyası başladı

31.07.2014  19:54 

Leyla Yunus agent çıxdı - VİDEO

31.07.2014  18:34 

Azərbaycan Ordusu şəhid verdi

31.07.2014  18:28 

İŞİD lideri agent çıxdı - FOTO

31.07.2014  14:28 

Yol polisi reydlərə başlayır

31.07.2014  14:02 

Riçard Morninqstar ABŞ-a qayıtdı

31.07.2014  12:57 

Azərbaycanlı minaya düşdü

31.07.2014  11:46 

Aeroport yolunda ölüm

31.07.2014  10:55 

Gecə klubunun qarşısında qətl

31.07.2014  10:07 

İstirahət mərkəzində yanğın

31.07.2014  10:05 

Avstraliyada matəm elan edildi

BÜTÜN XƏBƏRLƏR +