• Paytaxt
  • 30 Sentyabr 19:37
  •  1 917

Prezident: Bu gün nəqliyyat təhlükəsizliyi önəmli məsələdir

Bunu Prezident İlham Əliyev Bolqarıstan Prezidenti Rumen Radevla mətbuata bəyanatlarla çıxış edərkən deyib

“Bütövlükdə isə digər məsələlərə gəldikdə, bu gün yeni geosiyasi vəziyyəti nəzərə alaraq nəqliyyat təhlükəsizliyi də əlbəttə ki, önəmli məsələdir”.

Aznews.az xəbər verir ki, bunu Prezident İlham Əliyev Bolqarıstan Prezidenti Rumen Radevla mətbuata bəyanatlarla çıxış edərkən deyib.

“Azərbaycan öz ərazisində çox müasir nəqliyyat infrastrukturu yaratmışdır, - dəmir yolları, avtomobil yolları, yeni Beynəlxalq Dəniz Ticarət Limanı, - bütün bu infrastruktur obyektləri bir məqsədi güdür ki, Azərbaycan üzərindən tranzit yüklərin həcmi artsın. Bu il bu yüklərin həcmi təqribən 50 faizə yaxın artmışdır. Gələcəkdə bu rəqəm daha da böyük olacaq. Ona görə Bolqarıstan və Azərbaycan nəqliyyatçıları indidən bir araya gələrək uzunmüddətli və genişmiqyaslı gələcək əməkdaşlıq haqqında fikir mübadiləsi aparacaqlar”, - dövlət başçısı vurğulayıb.